Mbrëmjen e kaluar në fshatin Vajkal të Bulqizës, një person u plagos me armë zjarri tip çifte pasi autori dyshoi se në tokën e mbjellë ndodheshin kafshë të egra që po dëmtonin të mbjellat. Banori, pasi dëgjoi zhurma në parcelën e tij, qëlloi në drejtim të vendit të zhurmës, por aty ndodhej një person tjetër, i cili u plagos me saçme. I plagosuri u dërgua me urgjencë në spitalin e Bulqizës dhe ndodhet jashtë rrezikut për jetën. Policia ka nisur hetimet për zbardhjen e plotë të ngjarjes dhe po punon për të sqaruar rrethanat e incidentit.