Mbrëmjen e 14 majit 2026, rreth orës 21:40, në rrugën “Ali Sokoli” në Prishtinë, një person me inicialet A.V. u plagos nga të shtënat me armë zjarri dhe u dërgua për trajtim në Qendrën Klinike Universitare të Kosovës. Prokuroria Themelore në Prishtinë, në bashkëpunim me Policinë e Kosovës, ka nisur hetimet duke e trajtuar rastin si “vrasje e rëndë në tentativë”, sipas Kodit Penal të Kosovës. Në vendin e ngjarjes ka dalë prokurori kujdestar dhe njësitë policore, ndërsa po ndërmerren të gjitha veprimet për zbardhjen e plotë të rrethanave, identifikimin dhe arrestimin e personave të dyshuar. Prokuroria ka paralajmëruar se do të informojë opinionin publik për zhvillimet e mëtejshme lidhur me këtë ngjarje.