Mëngjesin e së enjtes në zonën e njohur si “Nisharaku” në Tiranë, një konflikt për motive të dobëta, konkretisht për parkimin e makinës, përfundoi me plagosjen e një 55-vjeçari. Shtetasi Enton Nushaj, 48 vjeç, dyshohet se ka goditur me mjet prerës Armando Millonajn, i cili u dërgua urgjent në spital dhe po merr ndihmë mjekësore nën kujdesin e mjekëve. Policia ka shpallur në kërkim autorin dhe po kryen kontrolle intensive në zonë për kapjen e tij. Grupi hetimor ndodhet në vendngjarje dhe po vijon veprimet procedurale për zbardhjen e plotë të rrethanave të ngjarjes.