Në Caserta të Italisë, një krim i rëndë u parandaluar në çastet e fundit, ku një burrë kishte paguar 20 mijë euro për të vrarë ish-gruan e tij. Ai kishte organizuar me kujdes planin, duke i dhënë vrasësit çdo informacion të nevojshëm, përfshirë edhe çelësat e shtëpisë së saj. Fillimisht, gruaja do të rrëmbehej dhe më pas do të ekzekutohej në një vend të izoluar, por ndërhyrja e policisë e ndaloi krimin para se të ndodhte. Për ngjarjen janë arrestuar pesë persona, ndërsa motivi i porositës mbetet i paqartë.