Pas ngritjes së aktakuzës për spiunazh ndaj Fatmir Shehollit, eksperti i sigurisë Avni Islami ka zbuluar detaje të rëndësishme lidhur me aktivitetin e tij të gjatë dhe të organizuar në fushën e spiunazhit. Islami thekson se depërtimi i Shehollit në institucionet më të larta dhe miqësitë me figura të rëndësishme nuk janë rastësi, por pjesë e një strategjie për të fituar besim dhe për të shmangur dyshimet. Dokumenti i quajtur “Top Secret 2”, i gjetur në telefonin e Shehollit, përmban një plan strategjik që synon zgjerimin e radikalizmit islamik në Kosovë dhe rajon, destabilizimin e vendit dhe dëmtimin e pozitës së tij ndërkombëtare përmes krijimit të narrativave negative dhe nxitjes së migrimit.