Instituti i Krimeve të Kryera gjatë Luftës organizoi një punëtori dy-ditore për të prezantuar dhe diskutuar platformën e re të databazës së viktimave të luftës në Kosovë, e cila pritet të lansohet gjatë këtij viti. Në këtë takim morën pjesë institucione, ekspertë dhe personalitete që kanë kontribuar në dokumentimin dhe verifikimin e të dhënave për viktimat, duke punuar për harmonizimin dhe krahasimin e listave ekzistuese. Diskutimet u fokusuan në identifikimin e mospërputhjeve dhe trajtimin e rasteve konkrete, si dhe në përcaktimin e hapave të mëtejshëm për verifikime të thelluara. Instituti falënderoi të gjithë pjesëmarrësit për mbështetjen dhe kontributin profesional në këtë proces të rëndësishëm institucional.