Më 23 korrik 2026 në Slavonski Brod të Kroacisë do të inaugurohet një pllaka përkujtimore në nderim të 10 viktimave kosovare të aksidentit tragjik rrugor të 25 korrikut 2021. Ceremonia do të mbahet në ora 10:30 dhe do të shërbejë si një shenjë respekti, solidariteti dhe kujtese institucionale për jetët e humbura dhe të lënduarit në këtë ngjarje. Në aksidentin ku një autobus me rreth 60 persona nga Frankfurti për Kosovë doli nga rruga, u plagosën mbi 30 persona, ndërsa shoferi i kompanisë ‘Deva Tours’ u arrestua pasi pranoi se ishte zënë gjumi. Në ceremoninë përkujtimore do të marrin pjesë përfaqësues të Ministrisë së Punëve të Brendshme të Kosovës, autoritete lokale kroate dhe Ambasada e Kosovës në Kroaci, duke theksuar rëndësinë e kujtesës dhe bashkëpunimit ndërkombëtar.