Një ngjarje tragjike ka ndodhur në Los Angeles, ku një nënë 20-vjeçare, Maria Barrios Ventura, u vra nga një plumb që depërtoi përmes dritares së dhomës së gjumit. Ajo ishte duke fjetur pranë vajzës së saj 1-vjeçare dhe partnerit kur u qëllua në kokë, duke humbur jetën në vend. Pas të shtënave të para, u qëlluan edhe rreth shtatë plumba të tjerë në zonën përreth, duke shkaktuar dëme edhe në pronën e banorëve të tjerë. Policia e Los Angelesit po heton nëse sulmi ishte i qëllimshëm apo një aksident, ndërsa autorët nuk janë identifikuar ende dhe hetimet vazhdojnë për zbardhjen e plotë të rrethanave.