Kompania Rajonale e Ujësjellësit “Prishtina” ka njoftuar ndërprerjen e furnizimit me ujë në qytetin e Podujevës për shkak të një defekti në gypin furnizues të Albanikut. Ndërprerja ka nisur nga ora 15:00 dhe do të zgjasë deri në sanimin e plotë të defektit, pa një kohë të saktë për rikthimin e ujit. Ekipet teknike janë angazhuar në terren dhe po punojnë intensivisht për të eliminuar problemin dhe për të rikthyer furnizimin sa më shpejt të jetë e mundur. Kompania ka kërkuar mirëkuptimin e qytetarëve gjatë kësaj periudhe të vështirë deri në normalizimin e situatës.