Polici Aurel Kaziu u arrestua në territorin e Kosovës pasi u kap me një milion euro të fshehura në makinë gjatë një kontrolli në pikën kufitare të Merdarës. Ai kishte më pak se një vit në detyrë dhe dyshohet se ishte përdorur nga grupe kriminale për të transportuar paratë nga Serbia drejt Shqipërisë. Kontrolli i automjetit u bë fillimisht me skaner me rreze X, ku u identifikua një hapësirë e dyshimtë në dyshemenë e makinës, dhe më pas u përdor pajisja fibroskopike për të zbuluar shumën e madhe të parave. Pas arrestimit, Kaziu u pezullua nga detyra, ndërsa autoritetet vazhdojnë hetimet për këtë rast.