Një operacion i koduar “Basti i Fundit” ka çuar në arrestimin e tre personave në Fushë-Krujë, përfshirë një punonjës policie, Lutfi Dervishi, i dyshuar për shpërdorim detyre dhe organizim të lojërave të fatit të paligjshme. Gjatë kontrollit në banesën e tij u gjetën 119 fishekë të kalibrit 9 mm, si dhe pajisje elektronike dhe serverë që dyshohet se përdoren për veprimtari të kundërligjshme. Bashkë me të janë arrestuar edhe dy persona të tjerë, Sabah Stafuka dhe Fatmir Stafuga, për organizim të lojërave të fatit dhe prodhim e shitje të narkotikëve, ndërsa gjatë kontrollit u sekuestruan edhe lëndë narkotike dhe telefona celularë. Hetimet vazhdojnë për të zbuluar nëse ka përfshirje të mëtejshme dhe raste favorizimi nga punonjës të tjerë të strukturave ligjzbatuese, ndërsa Agjencia e Mbikëqyrjes Policore thekson tolerancë zero ndaj veprimeve të tilla.