Prokuroria Themelore në Ferizaj ka kërkuar paraburgimin e zyrtarit policor Edison Limani, i dyshuar për organizimin e lojërave të fatit pa leje dhe skemave piramidale në komunën e Shtërpcës. Hetimet tregojnë se që nga janari i vitit 2026, Limani ka organizuar online lojëra bixhozi përmes faqes “888verona.club”, duke i dërguar kredi në një llogari të një personi tjetër, i cili ka grumbulluar një borxh prej 14,500 eurosh. Nga ky shumë, 2,000 euro janë paguar, ndërsa për pjesën tjetër prej 12,500 eurosh, i pandehuri dyshohet se ka ushtruar presion për pagesë. Limani ndodhet nën masën e ndalimit 48-orësh që nga 16 prilli 2026, ndërsa Prokuroria e akuzon për veprën penale të organizimit të skemave piramidale dhe bixhozit të paligjshëm sipas Kodit Penal të Kosovës.