Një polic i Stacionit Policor të Shkupit është vënë në paraburgim për tetë ditë, pasi dyshohet se ka keqpërdorur pozitën zyrtare duke përvetësuar paratë e gjobave të qytetarëve. Hetimet tregojnë se nga prilli deri në korrik, ai ka mbledhur gjoba në para të gatshme, por një pjesë të tyre nuk i ka regjistruar përmes terminalit POS dhe i ka mbajtur për vete. Gjithashtu, dyshohet se ka përdorur dëshmi pagesash të lidhura me persona të tjerë dhe ka lejuar disa qytetarë të shmangin ose të përfitojnë ulje në gjoba. Prokuroria ka kërkuar paraburgimin, ndërsa gjykata e ka miratuar këtë masë për të siguruar vijimin e hetimeve.