Më 24 korrik, në autostradën pranë “Kroit të mbretit”, polici Avdi Hoti iu përgjigj shpejt thirrjes së një familjeje që kërkonte ndihmë urgjente për vajzën e tyre 9-vjeçare, e cila kishte humbur vetëdijen dhe nuk merrte frymë. Me profesionalizmin dhe qetësinë e tij, Hoti i dha ndihmën e parë dhe njoftoi emergjencën, duke i rikthyer frymëmarrjen vajzës deri në mbërritjen e autoambulancës. Familja Bytyqi i dërgoi një letër falënderimi të thellë, duke vlerësuar humanizmin dhe përkushtimin e tij që shpëtuan jetën e vajzës. Ky rast tregon shembullin e përkushtimit të policisë në mbrojtje të jetës dhe sigurisë së qytetarëve.