Njësitet patrulluese të Policisë së Kosovës, në bashkëpunim me hetuesit, kanë kryer një bastisje në një shtëpi në fshatin Akrashticë të Vushtrrisë, ku kanë sekuestruar dy armë zjarri dhe municion. Në vendin e ngjarjes u gjet një armë e gjatë dhe një armë me tytë të shkurtër të llojit P.A.K Cal. 9 mm – Blow C75, si dhe shtatë fishekë 9 mm me gaz. Një person, i identifikuar si Vedat Shala, është proceduar për mbajtje pa autorizim të armëve, ndërsa pas intervistimit dhe konsultimit me Prokurorin e Shtetit, ai është liruar në procedurë të rregullt. Hetimet për këtë rast vazhdojnë, ndërsa personat e përfshirë konsiderohen të pafajshëm deri në vendim të formës së prerë nga gjykata.