Policia e Kosovës ka kryer një bastisje në shtëpinë e një personi në Skenderaj, i cili ishte shfaqur në rrjetet sociale duke ekspozuar armë zjarri. Gjatë kontrollit janë sekuestruar tri pistoleta, dy armë të gjata dhe 734 fishekë të kalibrave të ndryshëm. I dyshuari është intervistuar për posedim të paautorizuar të armëve dhe për posedim të armëve me autorizim të skaduar. Rasti po hetohet në procedurë të rregullt në konsultim me prokurorin, ndërsa ndaj të dyshuarit është iniciuar rast penal për mbajtje në pronësi, kontroll ose posedim të paautorizuar të armëve.