Drejtoria Rajonale e Policisë në Gjakovë ka përmbyllur me sukses planin operativ “Droni dhe Alkooli”, i cili synonte rritjen e sigurisë në trafik përmes përdorimit të teknologjisë moderne dhe angazhimit të zyrtarëve policorë. Gjatë zbatimit të këtij plani janë evidentuar rreth 410 kundërvajtje dhe janë shqiptuar gjoba sipas ligjit, ndërsa 42 shoferë janë ndaluar për shkelje më të rënda si tejkalimet në vende të ndaluara dhe drejtimi nën ndikimin e alkoolit. Policia thekson se këto masa kanë për qëllim mbrojtjen e jetës së qytetarëve dhe parandalimin e aksidenteve, duke ftuar të gjithë pjesëmarrësit në trafik të respektojnë rregullat për një mjedis më të sigurt. Njësia Rajonale e Trafikut Rrugor do të vazhdojë të jetë aktive në terren, duke përdorur të gjitha kapacitetet për të garantuar sigurinë e rrugëve në Gjakovë.