Më 20 shkurt 2026, Policia e Kosovës ka ekstraduar drejt Maqedonisë së Veriut shtetasin maqedonas O.B., i cili ishte i kërkuar me urdhërarrest ndërkombëtar nga INTERPOL për veprat penale të prodhimit të paautorizuar dhe lëshimit në qarkullim të substancave narkotike. Arrestimi dhe ekstradimi u realizuan në koordinim të ngushtë mes Drejtorisë për Bashkëpunim Ndërkombëtar Policor, njësive të policisë dhe institucioneve të drejtësisë në Kosovë dhe Maqedoninë e Veriut. Autoritetet theksuan se bashkëpunimi ndërmjet dy vendeve është kyç për parandalimin, hetimin dhe zbulimin e aktiviteteve kriminale, si dhe për gjurmimin dhe arrestimin e personave të kërkuar brenda dhe jashtë vendit. Drejtoria për Bashkëpunim Ndërkombëtar Policor do të vazhdojë shkëmbimin e informacionit me partnerët vendorë dhe ndërkombëtarë për të forcuar luftën kundër krimit të organizuar dhe aktiviteteve kriminale.