Policia e Kosovës ka publikuar fotografinë e një personi të dyshuar për veprat penale “Kanosje” dhe “Sulm”, të cilat dyshohet se janë kryer më 12 tetor 2025 në një qendër tregtare në Gjakovë. Pavarësisht angazhimeve të deritanishme, identiteti i tij ende nuk është zbuluar, prandaj Policia po kërkon ndihmën e qytetarëve për ta identifikuar dhe lokalizuar atë. Qytetarët që posedojnë ndonjë informacion mund të kontaktojnë Policinë përmes numrit emergjent 192, stacionit policor më të afërt ose përmes e-mailit zyrtar, duke garantuar konfidencialitet të plotë. Kjo nismë është bërë me autorizim nga Prokurori i Shtetit dhe në kuadër të procedurave hetimore që po zhvillohen për këtë rast.