Policia e Kosovës organizon sonte një ceremoni solemne festive për të shënuar 27-vjetorin e themelimit të saj. Ngjarja zhvillohet në Drejtorinë e Përgjithshme të Policisë në Prishtinë, ku pritja e mysafirëve fillon në orën 17:30, ndërsa ceremonia zgjat nga ora 18:00 deri në 21:00. Në këtë aktivitet do të marrin pjesë figura të larta shtetërore, drejtori i Përgjithshëm i Policisë, menaxhmenti i lartë dhe përfaqësues vendorë e ndërkombëtarë. Policia ka ftuar mediat për të përcjellë ceremoninë dhe aktivitetet që shoqërojnë këtë përvjetor të rëndësishëm.