Gjatë javës së kaluar, policia në rajonin e Prishtinës ka realizuar 210 urdhëresa të gjykatës, prej të cilave 32 kanë qenë për vepra penale, ndërsa të tjerat për kundërvajtje, seanca dhe verifikime të ndryshme. Personat e dënuar me burgim janë dërguar për vuajtje të dënimit, ndërsa ata me gjobë janë liruar pasi kanë përmbushur obligimet e përcaktuara në urdhëresa. Në kuadër të aktiviteteve policore janë sekuestruar katër armë zjarri dhe municione të llojeve dhe kalibrave të ndryshëm. Gjithashtu, në fushën e sigurisë rrugore janë shqiptuar mbi 5,185 masa administrative me gjobë, prej të cilave 578 janë evidentuar nga veturat inteligjente dhe radarët mobil.