Policia e Tiranës ka proceduar penalisht 11 persona lidhur me tubimet e zhvilluara më 22 dhe 23 qershor 2026 në kryeqytet. Ata dyshohen për pengimin e qarkullimit të mjeteve të transportit dhe për përfshirje në veprime që kanë shqetësuar rendin dhe qetësinë publike. Personat e proceduar, në gjendje të lirë, kanë organizuar tubime në zona të ndryshme nga ato të njoftuara zyrtarisht, duke bllokuar kryqëzime me fluks të lartë të automjeteve dhe qytetarëve. Materialet procedurale janë referuar Prokurorisë së Tiranës për veprime të mëtejshme.