Më 6 prill rreth orës 19:15, njësitë e Policisë së Kosovës dhe Doganës kanë ndaluar një automjet pa targa që lëvizte me shpejtësi të madhe në rrugën malore mes fshatrave Banjskë dhe Sharani-Kamen në Mitrovicë Veri. Pas një ndjekjeje, personat që ndodheshin në automjet e braktisën atë dhe u larguan në drejtim të panjohur. Gjatë kontrollit në veturë u gjetën 32 thasë me pantallona, që përmbanin 1,217 palë xhinse, një thes me 303 rripa pantallonash, një palë targa të Serbisë, një kanistër me naftë dhe një pajisje radiolidhjeje. Mallrat e kontrabanduara u konfiskuan nga Dogana e Kosovës, ndërsa rasti do të trajtohet më tej me udhëzimin e prokurorit të shtetit.