Policia e Kosovës ka ndërhyrë në dy raste të kalimit të paautorizuar të kufirit me Serbinë më 21 mars në zonat e Jarinjes dhe Sharpellit. Në orën 04:40 në Jarinje, një automjet me targa serbe u ndalua me dy persona të dyshuar për kalim ilegal kufiri, të cilët u intervistuan dhe më pas u liruan me vendim të prokurorit. Në Sharpell të Leposaviqit, në orën 15:40, u ndalua një person që dyshohet se kaloi kufirin këmbë dhe më pas përdori një automjet me dokumente të rregullta për transportin e një pajisjeje bujqësore. Pas intervistimit, edhe ky i dyshuar u lirua në procedurë të rregullt sipas vendimit të prokurorit.