Policia e Kosovës ka parandaluar dy raste të transportit të kundërligjshëm të drunjve për djegie në fshatin Lluzhan të Podujevës gjatë orëve të hershme të mëngjesit. Në rastin e parë, rreth orës 02:20, u ndalua një kamion pa dokumentacion përkatës, ndërsa drutë u konfiskuan dhe dërguan për matje në Agjensionin e Pyjeve. Pak më vonë, rreth orës 03:10, policia ndaloi një kamion tjetër me drunj, të cilët po ashtu u konfiskuan dhe u dërguan për matje. Të dy të dyshuarit u intervistuan dhe më pas u liruan në procedurë të rregullt, ndërsa autoritetet theksuan se do të vazhdojnë kontrollet për të parandaluar prerjen dhe transportin e kundërligjshëm të drunjve.