Policia e Kosovës ka ndaluar një rast të kontrabandimit të kafshëve në fshatin Zllakuqan, ku gjatë patrullimit u identifikua një traktor me rimorkio që transportonte pesë lopë dhe një viç pa dokumentacion dhe shenja matrikulare. Kafshët dyshohet se janë futur ilegalisht nga Maqedonia e Veriut në Kosovë përmes rrugëve ilegale. Personi i dyshuar është shoqëruar në stacion policor për procedura të mëtejshme, ndërsa prokurori kujdestar ka urdhëruar hapjen e rastit si “Kontrabandë me mallra – kafshë”. Në vendin e ngjarjes ka dalë inspektori i Agjencisë së Ushqimit dhe Veterinarisë, i cili ka ndërmarrë veprimet ligjore, ndërsa kafshët janë sekuestruar dhe i janë dorëzuar Doganës së Republikës së Kosovës.