Policia e Kosovës zhvilloi një aksion të koordinuar në Prizren për të luftuar parkimet e parregullta, duke shqiptuar 106 gjoba brenda vetëm dy orëve në zonën qendrore të qytetit. Aksioni u zhvillua nga patrullat e Stacioneve Policore të Prizrenit, Prizren-Veri dhe Njësia për Rregullimin e Komunikacionit Rrugor, në intervalin kohor 10:00 – 12:00. Policia thekson se parkimet e parregullta pengojnë lëvizjen e lirë të automjeteve dhe këmbësorëve dhe krijojnë situata të rrezikshme për sigurinë e qytetarëve. Si rezultat, ajo është e vendosur të intensifikojë kontrollet dhe apelon te qytetarët që të respektojnë rregullat e komunikacionit për të ndërtuar një Prizren më të sigurt dhe më të rregullt.