Drejtoria Rajonale e Policisë në Gjilan ka rritur kontrollet në terren për të parandaluar dhe identifikuar rastet e shkaktimit të zhurmës gjatë orëve të natës. Në dy ditët e fundit, policia ka shqiptuar pesë gjoba ndaj personave që kanë shkelur rregullat për rendin dhe qetësinë publike. Aktivitetet e patrullimit dhe kontrollit do të vazhdojnë me intensitet të shtuar, duke përfshirë reagime ndaj çdo ankese të qytetarëve. Policia paralajmëron masa ligjore ndaj individëve dhe subjekteve afariste që cenojnë qetësinë në komunitet.