Prej 12 ditësh, 34-vjeçari Eglant Koçi është zhdukur dhe policia dyshon se ai është vrarë nga miku i tij, 41-vjeçari Armand Shakaj. Autoritetet po zhvillojnë një operacion të gjerë në të gjithë vendin për arrestimin e Shakajt, i cili dyshohet se ka fshehur trupin e Koçit në periferi të Tiranës. Gjatë kërkimeve intensive, Shakaj ka ndryshuar dukshëm pamjen, duke prerë flokët, hequr mjekrën dhe përdorur maskime të ndryshme për të shmangur kapjen. Ai gjithashtu ka ndryshuar numrin e telefonit dhe aparatin celular, ndërsa dyshohet se përdor karta SIM me numra të huaj për të evituar gjurmimin nga policia.