Gjatë një jave kontrollesh të intensifikuara në Pejë, Policia Rajonale ka sekuestruar 20 motoçikleta të llojeve të ndryshme dhe ka shqiptuar 55 gjoba për kundërvajtje në komunikacion. Shpërndarja e gjobave përfshin 15 për mungesë regjistrimi të motoçikletave, 22 për mosposedim të patentës së shoferit dhe 18 për mosmbajtje të helmetës. Ky aksion është zhvilluar në kuadër të Planit Operativ për kontroll të shtuar të qarkullimit të motoçikletave, skuterëve, trotineteve dhe katërçikletave, me qëllim rritjen e sigurisë rrugore dhe parandalimin e aksidenteve. Policia apelon tek të gjithë pjesëmarrësit në komunikacion, veçanërisht ngasësit e motoçikletave, që të respektojnë rregullat e komunikacionit, ndërsa aktivitetet e kontrollit do të vazhdojnë në mënyrë intensive pa tolerim ndaj kundërvajtësve.