Adriatik Lapaj, kreu i Shqipëria Bëhet, së bashku me dy aktivistë të tjerë, janë proceduar penalisht nga Policia e Tiranës pasi tentuan të vendosin një çadër simbolike në trotuarin përballë Kryeministrisë, në kuadrin e një proteste që ka hyrë në ditën e 90 të saj. Policia i akuzon ata për tre vepra penale: pushtim toke, organizim dhe pjesëmarrje në grumbullime dhe manifestime të paligjshme, si dhe prishje të qetësisë publike. Pas tentativës për vendosjen e çadrës, forca të shumta policore ndërhynë me dhunë për të ndaluar veprimin. Materialet janë referuar në Prokurori dhe ka nisur procedimi penal ndaj Lapajt dhe aktivistëve të tjerë.