Policia e Tiranës ka finalizuar një operacion të koduar “Last Bet” kundër organizimit të lojërave të fatit dhe basteve të paligjshme në tre lokale të ndryshme në kryeqytet. Gjatë kontrolleve janë sekuestruar makina elektronike, tavolina pokeri, çipsa, letra bixhozi dhe celularë që dyshohen se përdorej për organizimin e veprimtarive të paligjshme. Në këtë kuadër janë arrestuar dy persona, katër të tjerë janë proceduar në gjendje të lirë dhe dy janë shpallur në kërkim. Materialet hetimore janë referuar Prokurorisë së Tiranës për veprime të mëtejshme, ndërsa policia vijon punën për goditjen e plotë të këtij rrjeti kriminal.