Policia Ushtarake ka ngritur kapacitetet operacionale duke realizuar për herë të parë Kursin për Intervenime dhe Kontrollim të Turmave, në bashkëpunim me instruktorë nga Policia Ushtarake Kroate. Ky trajnim përfshin modulin e specializuar për intervenime të shpejta, kontrollin e turmave dhe luftime në hapësira të mbyllura (CQB), duke kombinuar njohuritë teorike me praktikat intensive. Pjesëtarët e Policisë Ushtarake janë përgatitur për të përballuar sfida komplekse të sigurisë dhe për të vepruar në mjedise të ndryshme operacionale. Ky kurs shënon një transformim të rëndësishëm në aftësitë dhe gatishmërinë e forcave ushtarake për situata të ndryshme emergjente.