Policia në rajonin e Mitrovicës së Jugut ka organizuar ligjërata vetëdijësuese për nxënësit e shkollave fillore dhe të mesme në Mitrovicën e Jugut, Vushtrri dhe Skenderaj. Këto ligjërata janë mbajtur nga njësitet e Policisë në Bashkësi dhe kanë pasur si qëllim ngritjen e vetëdijes tek të rinjtë për pasojat e përdorimit të substancave narkotike dhe ndikimin e tyre në aspektin individual dhe shoqëror. Policia thekson se këto angazhime janë pjesë e përpjekjeve të vazhdueshme për parandalim, edukim dhe ofrim të sigurisë. Veprimtaritë e tilla do të vazhdojnë gjatë gjithë vitit shkollor për të mbështetur këshillimin dhe aktivitetet parandaluese ndaj përdorimit të drogës.