Dy predha luftarake të Luftës së Dytë Botërore u nxorën nga fundi i detit në Gjirin e Porto-Palermos gjatë një operacioni të organizuar nga polumbarët e Bazës Ushtarake Detare të Pashalimanit. Nxjerrja u realizua në prani të ekspertëve të xhenios, forcave detare, emergjencave civile dhe përfaqësuesve të Bashkisë Himarë. Predhat, të cilat ndodheshin pranë kalatave të ankorimit të anijeve turistike, kishin qëndruar nën ujë për më shumë se 80 vjet, por konsideroheshin ende të rrezikshme. Pas nxjerrjes, ato u morën nga ekspertët ushtarakë për t’u asgjësuar në mënyrë të sigurt.