Veton Berisha, kryetar i Partisë Liberale Egjiptiane, ka denoncuar në Policinë e Kosovës ministrin në detyrë Elbert Krasniqin për presion ndaj qytetarëve në fshatin Brestovik të Pejës, një komunitet i banuar nga egjiptianët. Sipas Berishës, Krasniqi është parë me veturë zyrtare dhe me sigurimin e tij personal në vendin e ngjarjes, duke ndikuar në procesin zgjedhor dhe duke penguar qytetarët të ushtrojnë lirshëm të drejtën e votës. Ai ka siguruar edhe pamje nga ngjarja dhe ka kërkuar hetim për këtë sjellje që e quan të papranueshme dhe shkelje të kodit të sjelljes në ditën e votimit. Rasti është hapur në polici dhe priten zhvillime të mëtejshme lidhur me këtë çështje.