Aulona Mehmeti, një nënë që publikoi fotografi dhe reagoi për gjendjen e rëndë infrastrukturore dhe organizative në Klinikën e Pediatrisë në QKUK, po përballet me presion të vazhdueshëm. Pas postimit të saj në rrjetet sociale, ajo është vizituar në dhomën ku po trajton djalin e saj, ku i është kërkuar të verifikojë dhe të përgatisë një raport lidhur me pretendimet e saj. Mehmeti thekson se kushtet në klinikë janë të njëjta si në fotografitë e publikuara, duke përfshirë mungesën e sapunit, dyshekë me njolla dhe tualete të papastra. Ajo nënvizon se kritikat e saj nuk janë kundër individëve, por kërkojnë përmirësim të shërbimeve shëndetësore dhe mbështetje për shëndetësinë publike, duke kërkuar llogari për kushtet e papranueshme.