Pesë persona u arrestuan nga Prokuroria Speciale e Kosovës në kuadër të hetimeve për krime lufte në rastin e njohur si “Reçaku II”. Lista Serbe reagoi ashpër, duke e cilësuar këtë aksion si një valë të re presioni dhe frikësimi ndaj komunitetit serb në Shtërpcë dhe Gjilan. Sipas saj, arrestimet janë të motivuara politikisht dhe krijojnë një atmosferë pasigurie, duke theksuar se personat e arrestuar kanë jetuar hapur në Kosovë për më shumë se dy dekada pa u fshehur. Partia serbe paralajmëron se këto veprime nuk sjellin drejtësi apo paqe, por përkeqësojnë mosbesimin dhe tensionet ndërmjet komuniteteve, ndërsa kritikon mungesën e reagimit ndërkombëtar ndaj situatës.