Prezantuesja televizive egjiptiane Sarah Khalifa është dënuar me vdekje me varje, së bashku me 11 persona të tjerë, për trafikimin e drogave sintetike në një nga rastet më të mëdha të këtij lloji në Egjipt. Gjatë procesit gjyqësor, Khalifa mohoi akuzat dhe shpërtheu në lot, duke kërkuar mëshirë dhe duke deklaruar se nuk kishte pirë kurrë as cigare, duke theksuar se i ishte bërë padrejtësi. Prokuroria pretendoi se grupi i organizuar kriminal kishte importuar dhe prodhuar substanca të paligjshme, ndërsa gjatë hetimeve u sekuestruan mbi 750 kilogramë drogë sintetike dhe u zbuluan ambiente të përdorura për prodhim. Vendimi i dënimit me vdekje nuk është përfundimtar, pasi rasti do të shqyrtohet nga instancat më të larta dhe mbrojtja ka njoftuar se do të apelojë.