Gjykata Rajonale e Itzehoes në Gjermani ka dënuar me burgim të përjetshëm dy prindërit e foshnjës katërmuajshe Ashley, të cilët u shpallën fajtorë për vrasje me mosveprim dhe keqtrajtim të rëndë. Foshnja vuajti nga kequshqyerja e rëndë për një periudhë të gjatë, duke pësuar urinë që çoi në vdekjen e saj, ndërsa në momentin e ndarjes nga jeta, ajo peshonte vetëm rreth një kilogram. Gjatë gjykimit, prindërit u përpoqën të justifikoheshin me probleme psikologjike dhe mungesë mbështetjeje, por gjykata i hodhi poshtë këto shpjegime si të pabazuara. Rasti u cilësua nga kryetari i trupit gjykues si një nga më të rëndët dhe më tronditësit e viteve të fundit në Gjermani.