Ministria e Punëve të Brendshme ka ngritur kallëzime penale kundër prindërve të disa të miturve që sulmuan një vajzë 13-vjeçare në lagjen Gjorçe Petrov të Shkupit. Sulmi fizik ndaj vajzës ndodhi disa ditë më parë pranë Shkollës Fillore "Mirce Acev", dhe më parë ishin ngritur kallëzime edhe kundër katër të miturve për këtë akt dhune. Sipas njoftimit të policisë, prindërit po akuzohen për neglizhencë dhe abuzim ndaj fëmijëve të tyre, pasi fëmijët e tyre kryen këtë krim. Rasti është referuar Prokurorisë Publike të Shkupit për ndjekje të mëtejshme ligjore.