Prishtina po transformohet në një qytet të monitoruar plotësisht, me një sistem të ri kamerash sigurie që po zgjerohet në të paktën 40 lokacione të reja. Qendra e re e monitorimit pritet të hapet në mes të tetorit, ku do të punojnë 10 zyrtarë policorë që do të mbikëqyrin sistemin 24/7, duke synuar rritjen e sigurisë në komunikacion dhe parandalimin e veprimeve kriminale. Megjithatë, ekspertët e komunikacionit kërkojnë prova konkrete dhe analiza të detajuara për të vlerësuar ndikimin real të këtyre kamerave në sigurinë rrugore. Nga ana tjetër, Agjencia për Informim dhe Privatësi thekson se vendosja e kamerave bazohet në ligj dhe është e lejuar në hapësirat publike për parandalimin e veprave penale.