Në Shtip, një profesoreshë e Universitetit "Goce Dellçev" është ndaluar nga policia për dyshimin se ka kërkuar 300 euro ryshfet nga një student turk për të kaluar një provim. Denoncimi erdhi nga vetë studenti, i cili kishte marrë kërkesën përpara provimit që do të mbahej më 29 qershor 2026. Policia, në bashkëpunim me Prokurorinë Themelore Publike të Shtipit, organizoi një operacion ku i dorëzoi profesoreshës paratë e përpunuara krimo-teknikisht dhe e arrestoi në flagrancë. Tani ndaj saj është ngritur kallëzim për veprën penale "marrje ryshfet", ndërsa paratë janë sekuestruar dhe rasti po dokumentohet më tej.