Një 16-vjeçare ka denoncuar para Policisë së Janjevës hapjen e një profili të rremë në TikTok në emrin e saj, ku fotot e saj janë manipuluar me inteligjencë artificiale për t’u paraqitur së bashku me një mashkull. Dyshohet se pas këtij profili qëllimkeq qëndron një 38-vjeçar, Imad Gradina, i cili më parë kishte hapur një profil të ngjashëm që më pas u fshi. Pas raportimit, Policia ka arrestuar të dyshuarin dhe ka gjetur dëshmi në telefonin e tij që lidhen me rastin, ndërsa hetimet vijojnë për të sqaruar të gjitha rrethanat. Imad Gradina është ndaluar për 48 orë me urdhër të Prokurorit, ndërsa rasti është iniciuar si “Hyrje në sistemet kompjuterike”.