Profili i rremë në Facebook me emrin “Lule Gjeli”, i njohur për publikime fyese dhe denigruese, ka nisur të fshijë shumicën e postimeve të tij të publikuara gjatë më shumë se një viti. Postimi i fundit në profil daton më 22 shtator 2025, ndërsa ky veprim vjen në një kohë kur Prokuroria Speciale është duke trajtuar pretendimet për hetime ndaj personit që qëndron pas këtij profili. Ky profil është akuzuar për fushata shantazhuese dhe kërcënuese ndaj figurave publike, gazetarëve dhe politikanëve, duke nxitur reagime të shumta në opinion. Megjithëse Prokuroria Speciale nuk ka konfirmuar zyrtarisht hetimet, kallëzime janë dorëzuar nga persona të njohur si deputetja Blerta Deliu-Kodra dhe gazetari Berat Buzhala, duke shtuar presionin mbi këtë çështje.