Prokuroria Themelore në Mitrovicë ka nisur hetimet për veprën penale “Lajmërimi apo kallëzimi i rremë” ndaj një gruaje me iniciale V.V., e cila kishte raportuar se ishte dhunuar nga dy persona në Vushtrri. Pas ndalimit të dy të dyshuarve për 48 orë, ekzaminimi gjinekologjik në Institutin e Mjekësisë Ligjore nuk ka konstatuar dëmtime në organet gjenitale të denoncueses, duke hedhur poshtë elementet e veprës penale kundër integritetit seksual. Për këtë arsye, të ndaluarit janë liruar nga qendra e ndalimit, ndërsa rasti ndaj denoncueses vazhdon në procedurë të rregullt. Ngjarja dyshohet të ketë ndodhur në natën mes 24 dhe 25 shkurtit, në intervalin kohor 21:00-01:00.