Prokuroria Themelore në Prizren ka kërkuar paraburgim 30-ditor për dy persona, Eduart dhe Anton Kaçinari, të dyshuar për veprat penale “Fajdeja” dhe “Detyrimi”. Ata akuzohen se nga viti 2021 e në vazhdimësi kanë shfrytëzuar gjendjen e rëndë financiare të viktimave, duke u dhënë para me kushte joproporcionale dhe duke kërkuar përfitime të mëdha në formë kamatash, që arrijnë mbi 400 mijë euro vetëm nga një viktimë. Për shkak të pamundësisë për të shlyer borxhin, viktimat janë detyruar të kalojnë në pronësi dy lokale afariste dhe një shtëpi me vlerë rreth një milion euro, ndërsa të dyshuarit kanë përdorur dhunë dhe kanosje për të arritur qëllimet e tyre.