Prokuroria Themelore në Prishtinë ka hedhur poshtë kallëzimin penal të paraqitur nga Fitore Pacolli Dalipi ndaj ish-deputetit Hisen Berisha, duke vlerësuar se deklaratat e Berishës në një emision televiziv nuk përmbushin elementet e veprës penale “Lajmërimi apo kallëzimi i rremë”. Sipas aktvendimit, deklarata e Berishës nuk u bë para organeve kompetente për ndjekje penale, por në media, dhe për këtë arsye nuk mund të konsiderohet kallëzim i rremë sipas Kodit Penal.