Gjatë deklaratave hyrëse në Gjykatën Speciale, prokurori Joshua Hafetz pretendoi se Hashim Thaçi i dha udhëzime Fadil Fazliut për të përcjellë tek Rrustem Mustafa – Remi se si duhej të dëshmonte në Hagë. Fazliu e vizitoi Thaçin në paraburgim në korrik 2023, ku u diskutua rëndësia e dëshmisë së Remit dhe si ajo do të ndikonte në dëshmitarët e tjerë. Thaçi i dha udhëzime të detajuara Fazliut për çfarë duhej të thoshte Mustafa në dëshmi, duke theksuar se Remi duhej të kthehej në Kosovë ose si hero ose si njeri i turpëruar. Gjithashtu, gjatë një takimi tjetër në Hagë, Isni Kilaj mori udhëzime për të ndikuar në ndryshimin e dëshmisë së një dëshmitari viktimë, ndërsa Hajredin Kuçi diskutoi me Thaçin për ndikim ndaj dy dëshmitarëve dhe një viktime.