Policia e Tiranës ka arrestuar Mirjan Hasan, 37 vjeç, pronarin e një servisi automjetesh në zonën e Astirit, i dyshuar për mashtrim ndaj klientëve. Hetimet kanë zbuluar se ai ka marrë pagesa për riparime që nuk i ka kryer dhe në disa raste ka tentuar të shesë automjetet që i ishin lënë në servis pa dijeninë e pronarëve. Operacioni i koduar “Skema” ka dokumentuar 6 raste të veprimtarisë kriminale, ndërsa gjatë kontrollit janë sekuestruar 5 automjete që më pas iu janë kthyer pronarëve. Specialistët e Komisariatit Nr. 6 vijojnë punën për zbardhjen e rasteve të tjera, ndërsa materialet i janë referuar Prokurorisë së Tiranës për veprime të mëtejshme.